KKKT: Yesu anajifunua kwa wanafunzi wake

KKKT DAYOSISI YA KASKAZINI

USHARIKA WA QURUS – ENDASHANGWET

MAHUBIRI YA TAREHE 03.04.2016

SIKU YA BWANA YA KWANZA BAADA YA PASAKA IITWAYO QUASIMODOGENITI MAANA YAKE KAMA WATOTO WALIOZALIWA

KICHWA: YESU AJIFUNUA KWA WANAFUNZI WAKE

MASOMO: ZABURI 116: 1 – 8, MARKO 16: 9 – 12, * 1YOHANA 5:1 - 5

SHABAHA: Wasikilizaji waweze kuelewa kuwa maisha mapya ndani ya ya Yesu aliyefufuka yawawezeshe kuishi maisha mapya yenye ushuhuda.

“Maana umeniponya nafsi yangu na mauti, macho yangu na machozi, na miguu yangu na kuanguka” (Zaburi 116:8)

UTANGULIZI: Jumapili ya leo ikiwa ni jumapili ya kwanza mara baada ya kukumbuka kufufuka kwa Yesu Kristo, leo tunajifunza habari za YESU KUJIFUNUA KWA WANAFUNZI WAKE. Na katika kutafakari hili tumepewa kuangalia neno la Mungu kutoka waraka wa kwanza wa Yohana.

è Yesu alipojifunua kwa wanafunzi wake yapo mambo ambayo yalijitokeza kwa wanafunzi wake kama vile kupata amani, kuondolewa hofu yao, kupewa wajibu wa nini cha kufanya, kuwa na imani thabiti juu ya Yesu, kuhakikishiwa kuwa Yesu ameushinda ulimwengu na mauti na mengine Mengi

è Hivyo Yesu anapojifunua kwetu lazima mabadiliko yajitokeze, tena mabadiliko yenye matumaini ya kweli.

è Katika somo la Leo tunajifunza mambo muhimu yafuatayo

1. TUNAPASWA KUZALIWA MARA YA PILI

Ni muhimu na haki kwa kila mmoja kupata kuzaliwa mara ya pili kwa njia ya kubatizwa na kumpokea Yesu Kristo katika maisha yetu ili tuweze kuushida ulimwengu (Yn 3:5-6)

2. TUNAPASWA KUWEKA IMANI YETU KWA YESU KWELI KWELI

Yohana anasisitiza kuwa msingi wa imani ya kweli ni kumuamini Yesu Kristo kuwa ni mwana wa Mungu aliyetumwa kutoa sadaka ya maisha yake ili sisi tuweze kusamehewa dhambi zetu kwa kumwamini yeye tupate kuokolewa.

3. IMANI KATIKA YESU HUDHIHIRIKA KWA UPENDO  KWA JIRANI

è Tunaona wazi kuwa imani haiwezi kutengwa na upendo kwa ndugu zetu na majirani zetu na kila ambacho kimeubwa na Mungu.(Kumwamini Yesu ndio mzizi wa kumpenda jirani)

è Bali yapo mambo ambayo huzuia watu kuwapenda wengine (1 Yn 2:1;2: 15 – 15)

è Tukimtumaini Mungu atatuezesha kuwapenda ndugu zetu (Rumi 8:33 – 34)

4. UPENDO WETU KWA MUNGU UNAPELEKEA KUSHIKA AMRI ZAKE

èUpendo wetu kwa Mungu unaonekana kwa njia ya utii, kutii maneno yake na kuzitii amri zake (Yn 4:20, 14:15)

è Kuzishika amari zake sio kama ni mzigo kwetu bali tuzishike kwa furaha na kuona kuwa ni hitaji letu ndani ya maisha yetu ya siku kwa siku (Zaburi 40:8; 119:24,35,92.)

5. IMANI KATIKA YESU KRISTO INATULETEA USHINDI KWA DUNIA

Tunapokubali kweli kuiweka imani yetu kwa Yesu na kukubali kuzaliwa nae na kumruhusu atuongoze katika maisha haya basi tunahakikishiwa kuwa tutaweza kuushinda ulimwengu. Kwa Lugha nyingine hakuna njia yoyote inayoweza kuushinda ulimwengu zaidi ya kumwamini Yesu Kristo.

6. HITIMISHO

Tunamwamini Yesu Kristo ili tuweze kuzaliwa mara ya pili na kuweza kumpenda Mungu, jirani zetu na kuzishika amri za Mungu ili tuweze kuushinda ulimwengu na zaidi sana kuurithi uzima wa milele.

AMEN. 

Mtumwa wa Yesu Kristo mchungaji G. Mamuya